-- Advertisements --
TACLOBAN CITY – Padayon an pahimatngun han Provincial Disaster Risk Reduction Managent Office (PDRRMO) ha publiko nga likayan la anay an paglalayag ha mga kadagatan mahitungod han maraot nga panahon nga dara han bagyong Tisoy.
Ini in mahuman nga maireport an usa nga insidente hin pagkalunod han sakayan pandagat ha Macrohon, Southern Leyte.
Sumala kan Danilo Atienza, PDRRMO han Southern Leyte, nga nagpirit magpalawod an usa nga parupangisda ngan samtang tibalik na ini ha sagka in tigda nga nakulob an sakayan hini matungod han dagko nga mga balod.
Dayon naman nga na rescue an biktima nga yana in ada na ha talwas nga kahimtang.
