Iginsalawad ni House Majority Leader Sandro Marcos an House Bill No. 3661 nga may panuyo nga igbawal ha mga paryente han mga opisyal han gobyerno kutob ha ika-upat nga lebel han pagka-paryente an pakigkontrata ha gobyerno.
An nasabi nga panukala in baton ha maiha na nga istoryahon han nepotismo, padrino system, ngan korapsyon—an nasabi nga suhestyon in baga-baga hin pag-utod han kadena han kultura han pankalugaringon nga interes.
Duon pa ni Marcos, an pondo han nasud in para ha mga residente. Dire ine para payamanon an mga paryente han opisyal o tagan hin dire makatarungan nga bentahe.
Natuod hi Marcos nga an nasabi nga panukala in usa nga pitad tikadto ha gobyerno nga patas, klaro, ngan tinuod para ha mga katawhan.
Waray naman ig diwara han kongresista nga mayda hiya maiigo ha iya pahayag.
Pero para kan Marcos, an pagigin lider in dire la hiunong ha popularidad, kundi ha pagpili han sakto, bisan kun dire ine madali.
Dugang pa han Majority Leader nga mayda utang an gobyerno ha kada Pilipino nga nagbabayad hin buhis sanglit kada piso nga ginkokolekta han gobyerno in kinahanglan gingagastos hin mayda bug-os nga paghirot ngan integridad.
