NATIONAL NEWS– Nakaghipatik hin mahinay nga pagbuto ha summit crater han Bulkang Kanlaon yana nga adlaw hiton ika- 13 hiton Mayo 2025, ngan ine in nagdugay hin lima ka-minutos ngan nagdurot hin madakmol nga abo nga umabot naman hin 4.5 kilometro an kahitaas.
Nalukop hine nga pagbuto an Barangay Pula, Canlaon City, Negros Oriental ngan La Castellana, Negros Occidental, samtang an nagbabaga nga pyroclastic density currents (PDCs) in linmusad ha Sur nga parti han bulkan.
May dagko gihapon nga mga bato an nagkahudlog ha ligid han bulkan, sugadman in nasunog an mga tanaman, samtang manipis naman nga abo an nagkakataktak ha pira nga mga barangay ha Negros Occidental.
Nagpapabilin an Alert Level 3, karuyag sidngon amyda la gihapon kadelikaduhan ha panibag-o nga pagbutom sanglit nga ginrerekomindar an padayon nga pagbakwit ha sulod hiton 6-km radius tikang ha summit crater.
