NATIONAL – Dire ginkokonsidera ni Senate President Francis “Chiz” Escudero nga mag-inhibit kumo presiding officers ha nakatalaan nga impeachment trial kontra kan Vice President Sara Duterte.
Baton ine han senador ha panawagan han pira nga proresibo nga grupo nga kinahanglan lumusad ha pwesto hi Escudero kumo presiding judge ha pagdungog kan Duterte mahitungod ha daw pagigin bias hine ha padayon nga pagka-delatar han impeachment proceedings.
Duon pa hine, klaro nga an gurpo in pabor nga ig impeach an bise presidente sanglit dire daw ine niya pamamatian.
Nagdumara manggud hin gios-protesta ha gawas han Senado an Samahan ng Progresibong Kabataan agud igpanawagan an pag inhibit ni Escudero ha impeachment trial kontra kan VP Sara.
Nagsalawad an grupo hin usa nga open letter nga ginpirmahan hin 24 nga student councils ngan academic organizations tikang ha magkaduru-dilain nga state and private universities.
Ginkarawat ine han usa nga empleyado tikang ha opisina ni Escudero mahitungod nga waray tuguti nga makasulod ha building han Senado an mga membro han SPARK.
Sumala kan Miguel Basuel, tagapagyakan han grupo nga SPARK, an pag-inhibit ni Escudero in magbabalik han pagtapod han publiko ha proseso han impeachment.
Nagbutok gihapon hin pula nga ribbon ha gate han Senado an mga student leaders kumo panawagan para ha pag-inhibit ni Escudero.
