TACLOBAN CITY – Waray umabuyon an usa na botante han naging pamahayag han Philippine National Police
(PNP) na diri botosan adton mga nadabi ha illegal nga droga ngan maging adton mga natokhang na makandidato
ha nagtitikaharanbi na Barangay ngan Sangguniang Kabataan Eleksyon.
Sumala kan Mano Jun na diri angay na dauton an ngaran han mga makandidato nga nadabi an ngaran ha illegal
na droga mahitungod nga pipira han mga ini in nagbag-o na hin kinabuhi kun diin naangay la da na mahatagan
hin higayon na makapagsirbi ha publiko.
Dugang pa hini, na kalakip han mga pagbag-o hini, mas lalauman daw na mas ighahatag nala an atensyon han
mga ini ha kun ano man an guinkakaatubang na resposibilidad inkaso na maging usa na opisyal.
Samtang, gawas la ha pagdaot ha ngaran han mga drug personalilities na makandidato, diri naman daw ini
nakontra na igpailarom ha drug test an mga makandidato ha tiarabot na eleksyon.
