TACLOBAN CITY – Dayun la gihapon an pagbubuhaton nga environmental Rage o kun Silent Protest han grupo nga Philippine Movement for Climate Justice bahin han panawagan han mga ini nga maibalik ha posisyon hi
Gina Lopez komo Sekretarya han Department of Environment and Natural Resources (DENR-8).
Ini in ha luyo nga nanumpa na komo bag-o nga gabinete ni Pangulong Duterte hi Roy Cimatu ngan komo Sekretarya han DENR.
Sumala kan Larry Pascua, Visayas Coordinator han grupo nga Philippine Movement for Climate Justice, nga bisan pa nga mayda na ginliwan hi Pangulong Rodrigo Duterte ngan gutiay nala an tsansa in gusto la gihapon hini nga ig-apela an pagpareinstate kan Lopez mahitungod nga proven and tested na an Serbisyo hini.
Man ngani kasumapay hini in kasado na yana nga Mayo 12 Biyernes an ira aktibidad nga tatambungan hin naabot 5 mil nga mga natipa han Anti Mine, Illegal Logging ngan iba pa nga aktibidad nga nakakadaot ha libong.
Panuyo hini nga magporma hin boses tikang ha mga Supporters ni Lopez ngan manawagan kan Pangulong Duterte.
