TACLOBAN CITY- Nagreklamo an usa nga lady guard han Eastern Visayas State University (EVSU) mahuman nga balbagon hin tubo an ulo hini han waray kakilal-i nga suspek.
Sumala kan Violeta Encomio nga nanginano ini ha guinsasakupan nga panibag-o nga building agud magpalaga han suga kun diin waray ini makabantay dida han balbagon an ulo hini hin tubo nga nagresulta han iya pagkahimatay kun diin dayon ini nga guintabang han pira nga studyante ngan guindara ha hospital.
Dugang pa ni Encomio, nga nakaangkon ini hin walo nga tahi ha iya ulo ngan guinkakasubo hini dida han guin alegar han pamunuan han EVSU nga nagcollapse la ini.
An kaparte han pamahayag han tagreklamo nga hi Violeta Encomio.
Samtang, guindig-unan naman han pamunuan han EVSU nga basi ha mandato han Civil Service Commission nga an mga regular la nga empleyado an may makakarawat nga benepisyo pero ha luyo han kaluoy ngan pagpaabot han bulig, nagbuhat ini hin solicitation agud nga makabulig ha pagpatambal ha mao nga lady guard.
