NATIONAL NEWS– Target hiton Department of Education nga magtindog hin 105,000 classrooms ha nasud pinaagi han han public-private partnership .
Ine an nagin pahayag ni Education Secretary Sonny Angara kadungan han pagtikang han klase ha bug-os nga nasud.
Sumala kan Angara dako nga ayat ha ira an madugay nga infrastructure gap ha mga pampubliko nga eskwelahan ha nasud.
Matungod dinhi ginduduso han buhatan an public-private partnership nga nagkakantidad hiton bilyong-bilyong piso para mabaton an krisis.
An nasabi nga kantidad in uutangon han Pilipinas ngan ha sulod hiton 10 katuig in hinay-hinay hine nga babayaran hiton gobyerno.
Nagtutuo an kalihim nga napapanahon ine agud nga dire mabayaan an sektor hiton edukasyon han Pilipinas.
Mababaruan nga subay ha datos han ahensya, maabot la gihapon ha 165,000 an mga classroom backlog ha bug-os nga nasud.
