TACLOBAN CITY – Suportado han misis ni Presidente Rodrigo Roa Duterte an desisyon hini nga pagpapatanggal ha pwesto han pira nga opisyal han gobyerno nga guintutuuhan nga dabi ha korapsyon.
Sumala kan Honeylet Avanceña nga mabug-at ha iya pang-abat nga guinbutang ha pwesto an mga ini ngan tatanggalon la ha kaluyo han pagiging kamag-sangkay.
Ini an iya naging mensahe kadungan ha guindumara nga inagurasyon han six-story main building han panibag-o nga Eastern Visayas Regional Medical Center (EVRMC) nga namumutang ha Barangay Bagacay, Tacloban City.
Mababaruan nga pira nga opisyal nga dabi ha korapsyon an napatanggal ni Presidente Duterte sugad nala kan anay Tourism Secretary Wanda Teo ngan han aktor nga hi Cesar Montano nga nag-resign kumo tourism board chief mahitungod ha alegasyon nga irregularidad ha Buhay Carenderia program nga nagkakantidad hin P80 million. .
Guinduon ni Avanceña nga kadam-an ha mga natanggal nga opisyal an nagkumbinsi kan Duterte nga kumandidato ha pagka presidente ha nakalabay nga national election dida han tuig 2016.
