TACLOBAN CITY – Nangangandam na an Department of Interior an Local Government Regional Office 8 (DILG 8) para ha igpapatuman nga quarantine status ha masunod nga bulan.
Sumala kan Director Carl Cesar Remando Regional Director han DILG Regional Office 8 hapagkayana in nagpapamulat na hira hin resolution tikang ha National IATF para ha mga aludayday nga susundon ha masunod nga bulan.
Naglalaum daw gihapon hira nga mabalik na ha new normal an kabutangan ha rehiyon matungod na gihapon han nagtitikaguti nga ihap han mga nagpopositibo ha COVID-19.
Mababaruan nga ha ilarom han new normal in papahuklan na an mga igpapatuman nga quarantine protocol pero igpapatuman la gihapon an an mga health protocol sugad han pagsul-ot hin face mask, face shield, social distancing ngan an pagsanitize han mga kamot
Nanawagan naman an mga otoridad pananglitan nga bumalik na ha new normal an quarantine status ha rehiyon nga magsunod la gihapon ha mga health protocol nga ira ginpapatuman agud nga malikayan an otro nga paglarab han coronavirus.
