NATIONAL – Iginkakabaraka han pira nga legal expert an report nga mayda Maltese passport hi Defense Secretary Gilbert Teodoro, butang nga daw pagtalapas ha balaod para ha usa nga opisyal han gobyerno—labi na ha Cabinet-level positions.
Sumala kan Atty. Arnedo Valera—usa nga constitutional ngan international law expert, dire maobra nga mayda “sworn allegiance” ha iba nga nasud an usa nga sekretarya han defense mahitungod nga istoryahon ine han nasyunal nga integridad ngan seguridad.
Iginduon ni Valera nga kun waray gin renounce ni Teodoro an iya Maltese citizenship, posible ine nga magbaton ha ilarom han balaod.
Ha butnga han isyu, gin klaro naman han Department of National Defense (DND) nga igin surender na ni Teodoro an iya foreign passport ugsa pa hiya dumalagan kumo senador dida han 2022.
