NATIONAL – Ginbabasol han Department of Energy an padayon nga pagkiwa han presyo han lana ha world market an panibag-o nga paghitaas han presyo han mga produkto han petrolyo.
Sumala ha DOE, kaupod ha mga pangunahon nga rason an tensyon ha butnga han Estados Unidos ngan Iran nga nakagdara hin pagkadelatar ha suplay han lana.
Dugang pa hini an padayon nga ayat ha suplay tikang ha Russia, Kazakhstan, ngan Libya, sugadman an mahagkot nga panahon ha Northern Hemisphere an nagreresulta ha mas hataas nga demand ha enerhiya.
Samtang, ginsigurado naman han DOE an pagpapadayon han paghahatag hin diskwento ha pili nga gasoline stations para ha mga public utility vehicles.
Ginsigurado naman han ahensya ha publiko nga padayon nira nga ginmo-monitor an kabutangan han world market han lana ngan an pakikipag-sumpayan ha magkadurudilain nga ahensya han gobyerno agud masigurado an presyo han mga produkto han petrolyo in nagpapabilin nga patas.
