TACLOBAN CITY – Plano han lokal nga pangobyernuhan han Leyte nga humanon an nagpapadayon nga panhingayad han MacArthur Park ugsa iton Oktubre 20.
Sumala kan Leyte Governor Jericho Petilla nga an mao nga panhingayad in kumo kaparte han MacArthur Development Plan ngan plano ini nira nga abrihan para ha publiko durante o semana ugsa iton Oktubre 20.
Umaro naman hin despensa hi Gov. Petilla ha mga lokal ngan langyawanon nga nabisita ha mao nga park han temporaryo nga pagsara hini matungod han panhingayad.
Samtang, gindoon naman han opisyal nga magigin sulit naman iton paghulat hiton mga bisita tungod nga ira ginpapaupay an mao nga lugar ngan magin ganap na ini nga parke nga puydi pasyadahon ngan igparayaw han mga nabisita.
Ginlalauman naman ni Gov. Petilla nga an mao nga park in magdudurot hin pag-ribhong han turismo hiton bungto.
Manunumduman nga maabot naman ha sobra P40M an inisyal nga budget han mao nga panhingayad.
