-- Advertisements --
TACLOBAN CITY – Nagtutuo an pira nga mga retailers hin bugas ngan humay nga magiging posible la an paghabubo han presyo han bugas ha P20 kun maghahatag hin subsidiya an gobyerno ha mga parag-uma ha nasud.
Sumala kan Frederick Dy, Presidente han Grains Retailers Confederation (GRECON) ha Eastern Visayas, mapapahabubo ha P20 an presyo han bugas kun an presyo han raw materials ngan equipment nga gingagamit ha pananom in mahabubo gihapon.
Dugang pa hini nga bisan an manpower ngan panuhol ha pananom in na-tag P400 ngada P500 na an adlaw sanglit makuri an pagpahabubo hiton presyo han bugas.
Ha pagkayana in maabot ha sobra P40 an kada kilo han bugas ha rehiyon ngan posible pa ini nga humitaas labi na nga tapos na an katbari.
