NATIONAL NEWS– Dumipensar an Palasyo kasumpay ha paggamit hiton “executive privilege” han pira nga top government officials nga bumaribad maghatag hin detalyi kasumpay ha pagkaka-aresto kan anay Pangulong Rodrigo Duterte han International Police (Interpol) ha gindudumara nga hearing han Senado.
Sumala kan Palace Press Officer Usec. Claire Castro, ha ilarom han batakang balaod may “executive privilege” an Pangulo han nasud ngan magin an mga executive officials.
Panuyo hine nga protehiran an bisan anu nga sensitibo nga impormasyon nga igpahayag ha publiko.
Pag-esplikar ni Castro, may higayon mangud nga mayda importante nga isyu ngan dire angay igsapubliko labi na kun ine in may kasumpay ha security, diplomatic relations, military relations ngan internal deliberations ha Executive Branch.
Nanindigan an Palasyo nga waray gintatago an gobyerno kasumpay ha pagkaka-aresto kan anay Pangulong Rodrigo Duterte nga naatubang yana ha crime against humanity ha International Crimical Court (ICC).
