Personal nga bumisita hi Presidente Ferdinand Marcos Jr. ha Naga City agud inspeksyunon an mga proyekto ha ilarom han Oplan Kontra Baha, usa nga flood mitigation initiative han nasyunal nga gobyerno.
Kaupod niya ha pagbisita hi Mayor Leni Robredo nga anay Bise Presidente ngan dati gihapon nga katugbang han presidente han nakalabay nga presidential race.
Bisan man kun iginduon hini nga dire politikal an pagbisita, iginpakita han Presidente ha mga umatender an iya pink ha medyas kumo “pagkilala” kan Mayor Robredo, nga gumamit hin kulay pink ha iya presidential campaign dida han 2022.
Pinangunahan han Presidente an inspeksyon ha mga waterways ngan drainage systems han Naga, nga kaparte han multi-agency desilting ngan rehabilitation program agud mapakusog an flood control system han syudad.
Gintawag han Presidente an pink socks gesture kumo “pinaka-politikal nga butang” nga iya ginbuhat ha nasabi nga adlaw, pero iginduon hine nga an kabug-usan han iya pagbisita in “strictly work.”
An pagbisita in nahitabo ha butnga han mga istoryahon kasumpay ha posible nga bag-o nga alyansa ha politika, pero parehas nga iginudon nira Marcos ngan Robredo nga an ira pagbinuligay in nakatutok ha public service ngan disaster preparedness.
