-- Advertisements --
NATIONAL NEWS– Ginsigurado han Department of Budget and Management (DBM) nga dire makaka-apekto ha pagribong hiton ekonomiya han nasud an pag-veto ni Pangulong Ferdinand Marcos Jr. ha 7 tikang ha 10 line items nga ada ha sulod han Unprogrammed Appropriations ha 2026 General Appropriations Act (GAA).
Pag-esplikar ni Budget Secretary Rolando Toledo, ine in matungod nga dire naman kaparte ha programmed appropriations an mga nasabi nga line items ngan ha kamatuoran in waray pa ine pondo ha pagkayana.
Mapopondohan la ine kun may kuhida ngan extra na nga pondo an gobyerno.
Ginapahayag gihapon ni Toledo nga an Pension ngan Gratuity Fund para ha military and uniformed personnel in ada na ha sulod han budget han DILG ngan DND.
