NATIONAL–Waray igpapatuman nga pag umento ha pasahe han Department of Transportation (DOTr) ha mga pampasahero nga jeep yana nga tuig.
Sumala kan DOTr Sec. Giovanni Lopez, nga naapetuhan an damo nga kababayan matungod han bagyo, ngan dapat nga dire anay igpatuman an ginduduso han mga transport group nga dugang ha pasahe.
Han naglabay nga semana kasi in ginpasaka han Land Transportation Franchising and Regulatory Board (LTFRB) an ira rekomendasyon ha DOTr ha petisyon han mga transport groups nga nahirit hin paghitaas ha pasahe ha P14 tikang ha P13 para ha mga traditional jeepneys.
Samtang tikang naman ha P15 in magigin P16 an pag-gios ha minimum ha mga modern jeeps.
Ginduon han kalihim nga han naglabay nga semana in nagkaada hin rollback ha presyo han langis ngan an paghitaas hin pasahe in may dako nga epekto ha ekonomiya.
Damo nga kababayan gihapon an nagrerekober ha presente tikang han paglasurbo ngan pagbay-og hin bagyo ngan linog.
Para maibanan an bugat han pampasahero nga mga driver, in ginhugot han DOTr an kampanya nira kontra ha kolurom.
