METRO MANILA – Ginkokonsidera yana han gobyerno nga ipa-hamubo an mga baraydan ha mga airport ha bug-os nga nasud agud makabulig nga mapabilin nga marig-on an pamasahi ha eroplano dungan han ginlalauman nga pagdamo han mga biyahero yana nga Semana Santa.
Sumala han Department of Transportation, kaparte ini han mga pitad nga ginmando ni Presidente Ferdinand R. Marcos Jr. agud maibananan an grabi nga epekto han nagtitikahitaas nga presyo han gasolina.
Sumala kan DOTr Acting Secretary Giovanni Lopez, ira ginkikita an pag-paubos han pira nga bayad ha mga airport mahitungod han ginlalauman nga pagdamo han pasaheros ha Holy Week.
Kaupod na dinhi an landing ngan take off fee nga igpapatuman han Civil Aviation Authority of the Philippines (CAAP).
Waray naman magdugang hin detalye an sekretarya kun pira an posible nga ig-ubos han mga kabaraydan.
Una na nga gin-anunsyo ni Pres. Marcos an pira nga mga pitad han gobyerno agud maibanan an epekto han pagsaka han presyo han mga produkto han petrolyo mahitungod ha krisis ha Middle East.
