TACLOBAN CITY–Magkaka-mayada yana hin close monitoring an Department of Agriculture ha presyo han sibuyas yana nga tiarabot an kapaskuhan.
Sumala kan Romelo Anade, Head han City Agriculture, nga nadire hira nga matabo an dako nga pag-umento ha presyo han mga panguna nga paraliton labi na ha sibuyas sugad han naglabay nga tuig.
Dugang pa hini nga mayada mando tikang ha National Office han DA ngan Department of Trade and Industry nga dire magkakaada hin dako nga pag-hitaas ha presyo han sibuyas.
Magdudumara naman hira hin orientation para ha bugos nga kamerkaduhan han Tacloban kanan renewal han mga business permit ngan lisensya yana nga ika 10 han Disyembre.
Kikitaan naman an mga sunod ha mga kamerkaduhan, syahan: dapat mandatory an price tagging, ikaduha: dapat waray dako nga pag-umento ha mga agri-fishery commodities, ngan tikatulo: an sakto nga solid waste management.
Kun dire ini hira sumunod ha mga aludayday, magdudurot ini hin negatibo nga mga resulta ha pag-renew ha ira mga permit.
Samtang, waray naman gumios an presyo han busag nga sibuyas
Dugang gihapon ni Anade nga waray naman nahitala nga kakulangan ha suplay han sibuyas ha pagkayana.
