TACLOBAN CITY– Ginmalatumat han Tacloban General Services, nga magkakamayda hin bidding para ha mga contractors kanit hine an pangolekta han basura ha Tacloban.
Sumala kan Tacloban City Head General Services, Engr. Leo Parado, pinaagi han panawagan han bise alkalde hiton syudad, abre ine tanan ha mga contractors para umapi ha bidding han Bids and Awards Committee.
Dugang pa ni Parado, nga usa mangud yana nga ginkaka-atubang nga problema han syudad an mga basura ha pira nga mga barangay nga nagsasarang ngan dire nakokolekta hin sakto ha oras ngan adlaw.
Mababaruan nga maabot ha P60.2M an naka-alutaga na budget han mga contractor han nakalabay nga tuig, kun diin magigin paso na an kontrata han mga ine ha masunod nga bulan hiton Pebrero.
Samtang, yana naman nga tuig in mayda ig-aalutaga nga P70M nga budget para hiton magdadaog nga contractor ha pagdudumaraon nga bidding ha maabot nga bulan hiton Marso.
Sanglit lauman hiton Taclobanon, nga yana nga tuig in magigin-maupay na dalagan han garbage collection ha Tacloban.
