NATIONAL NEWS- Gin-aprubaran han House of Representatives ha ika-tulo nngan urhi nga pagbasa an balaodnon nga P6.79-trillion 2026 national budget House Bill 4058.
Nakakuha ine hin 287 nga botos pabor, 12 an bumalabag, samtang 2 an abstention mahuman an deliberasyon tikang han Agosto 18.
Sumala kan Speaker Faustino “Bojie” Dy III, an pagpasa han budget in pamatuod nga nakatutok an Kongreso ha reporma ngan responsibilidad.
Prayoridad ha budget an edukasyon, panlawas, agrikultura, ngan serbisyo pankalibungan alinsunod ha adbokasiya ni Pangulong Ferdinand Marcos Jr.
Panawagan ni Speaker Dy, kinahanglan siguraduhon han mga manbaralaod an tangkod ngan sakto nga pagamit han mga pondo han nasud.
Labot la ha national budget, gin-aprubaran gihapon hiton Kamara an pira nga importante nga balaodnon sugad hiton HB 4746 (Franchise para ha Bohol Light Company, Inc.) ; HB 4757 (Sustainable Cities and Communities Act); HB 4745 (Last Mile Schools Act; HB 4744 (Private Basic Education Vouchers Assistance Act).
Kataliwan hine utro naman nga mabalik an sesyon han Kamara ha bulan hiton Nobyembre 10, 2025, alas 3:00 hiton kulop.
