TACLOBAN CITY-Maabot ha 385.3 milyones de pesos nga peke nga sigarilyo an narekopo han Bureau of Customs Region 8 ha usa nga warehouse ha Brgy.Bagacay Tacloban City.
Sumala kan Jose Naig District Collector han Bureau of Custom Regional office 8, nga umabot hin duha kasemana an ira ginbuhat nga surveillance san-o nira sakbon an mao nga warehouse.
Maabot naman ha 1,500 nga karton hin sigarilyo nga mayda sulod nga 800 ka pakete kada usa nga karton an nakuha.
Kaupod gihapon ha mga nakumpiska han BOC an maabot ha P15 milyon nga kantidad hin mga equipments nga gingagamit ha paghimo hin mga peke nga sigarilyo ngan peke nga mga stamps.
Kun naibaligya an mga ine in maabot ha P42 milyon nga excise tax an dire mabahaydan nga buwis han manufacturer.
Hapagkayana in giniestudyuhan na han Custom nga sampahan hin kaso an tag-iya han warehouse ngan mga manufacturer han mga peke nga sigarilyo ngan nakaandam na ine gihapon nga igshipout tipakadto ha Manila an mga nasamsam nga ilegal nga mga kontrabando.
