NATIONAL – Nagpagawas hin P328 million nga pondo an Department of Health (DOH) para ha 22 nga tertiary hospitals ha bug-os nga nasud para bayaran an mga gastuson ha pagpapaupay.
An pagbabayad han hospital bills han mga pasyente nga naka-confine ngan nagpapailarom ha pag-upay o under medication in kaupod ha mga birthday gifts ni Presidente Ferdinand R. Marcos Jr. pinaagi han programa nga “Handog ng Pangulo: Serbisyong Sapat para sa Lahat.”
Ginlunsar an nasabi nga programa kakulop nga adlaw, Biyernes, kun diin dudrungan nga nanhatag hin bulig ngan serbisyo an gobyerno ha 82 nga probinsya han nasud.
Panuyo hine nga matagan hin kapas an mga Pilipino nga mapaupay an ira kinabuhi pinaagi han mga programa, training, ngan bulig ha mga nagtitikang pala agud magin accessible ngan mas mapahirani ha mga Pilipino an mga serbisyo han gobyerno.
Kaupod naman ha mga ahensya han gobyerno nga naghatag hin serbisyo an Department of Agriculture (DA), Department of Social Welfare and Development (DSWD), Department of Health (DOH), ngan Department of Trade and Industry (DTI).
Naki-usa gihapon ha programa an Department of Labor and Employment (DOLE) ngan Technical Education and Skills Development Authority (TESDA).
