TACLOBAN CITY -Ginpahayag ni Ormoc City Mayor ngan congressional candidate Richard Gomez nga usa ha iya legacy iton pag implementar hin maupay ngan barato nga linya hin tubig ha Ormoc City.
Siring ni Gomez nga an Ormoc City an may pinakagutiay nga baraydan ha nakonsumo hin tubig ha Pilipinas tungod nga na-tag 100 pesos la daw iton presyo hini ha kada 10,000 litro.
Ini mahuman ma-implementar ha ikaduha nga termino ni Gomez an Ormoc City Water Supply System Project nga naghahatag hin supresyente nga supply hin tubig ha mga konsumidor .
Dugang pa hini nga an tag P1,100 nga monthly rate han tubig ha Ormoc City nga ginsisiring han iya katugbang nga hi anay Elections Commissioner Gregorio “Goyo” Larrazabal in katumbas na ha 81,000 ka-litro hin tubig nga hirayo hin duro ha aktuwal nga sukot.
“Hindi alam ng kalaban ko kung ano ang sinasabi niya tungkol sa presyo ng tubig dito the Ormoc City. Isipin niyo ‘yun, P10 na tubig, pinakamura na sa buong bansa, magrereklamo ka pa. Sa susunod sana ay mag-review muna siya bago siya mag-akusa nang hindi siya napapahiya,” siring ni Gomez.
Mababaruan nga hi Gomez ngan Larazzabal iton nagpapanta pagka-congressman ha ikaupat nga distrito han Leyte.
