TACLOBAN CITY – Nakatalaan na nga umulpot ha nasud yana nga Mayo 31 an panibag-o nga suplay hin imported nga bugas tikang ha Vietnam ngan Thailand.
Ini an naging pamahayag ni National Food Authority (NFA) Regional Manager Henry Tristeza.
Sumala kan Tristeza, maabot 240,000 bags an nakatalaan para ha rehiyon 8 tikang ha Vietnam ngan ha maabot naman nga Hunyo maulpot an suplay tikang ha Thailand.
Dugang pa hini nga an mao nga suplay hin bugas it pagtutungaon agud nga igdistribwer ha merkado samtang an katunga naman nga suplay in hihimuon nga stock inkaso magkaada hin kalamidad.
Samtang, gintatalinguha naman han NFA nga mapadagmit na an pagdispose han maabot 900 kaso hin dunot nga bugas nga nakastock ha ira warehouse san-o pa umulpot an bag-o nga suplay han imported rice.
