TACLOBAN CITY – Gin kakalipay han Department of Agriculture an aktibo nga pakikipag sumpayan han City Agriculture Office agud magkamay-ada hin Kadiwa Center an syudad hiton Tacloban.
Igin pahibaro han Department of Agriculture nga may-ada na gin hihimo nga ordinansa an City Agriculture Office agud maipatukod ngan maipatuman an nasabi nga mga Kadiwa Center kun diin, nagpatapod naman an buhatan han DA nga permi mabulig ngan maalalay ha syudad agud magkamay-ada hin successful nga Kadiwa Center.
Sumala kan Department of Agriculture Regional Office 8, Agri Business & Marketing Assistance Division (AMAD) Chief, Francis Rosaroso, an Kadiwa an baton han gobyerno ha mga parag-uma agud mabuligan an mga ine nga ibaligya an ira mga produkto.
Malipayon naman nga igin pahibaro ni Rosaroso nga nagpabilin nga number 1 top grosser an New Kawayan nga nagbabaligya ha mga Kadiwa mahitungod nga magkaduru-dilain nga klase hin utanon an igigin baligya han mga ini ha Kadiwa Stores sugadman hiton mga presko nga bunay nga tikang ha bulig han City Government.
Mahitungod hini in gin aaghat hini an mga asosasyon han syudad hiton Tacloban nga makipag sumpayan ha DA agud makabaligya gihapon ha mga kadiwa stores mahitungod nga sumala pa hine, “the more merrier.” Samtang may-ada ig baraligya an usa nga mag uruma, tugutan ini nga mag baligya ha kadiwa mahitungod nga pag bulig man ha mga mag uruma an ira hingyap.
Ha pagkayana in nagbibiling hin sakto nga lugar an City Agriculture Office ngan Department of Agriculture hin perfect area nga puydi mabutangan hin Kadiwa Center ha syudad agud diri mapareho ha daan nga kadiwa center an nga waray parkingan ngan nakakag durot hin traffic ha mao nga area. (via Bombo Niña Magpili)
