ODD – Usa nga kakaiba nga orchestra an gin kilala han Guinness World Records kumo “Most concerts by a vegetable orchestra” mahuman hine nga magtukar ha 344 nga concerts ha sulod han 27 katuig kun diin gamit la an mga instrumento nga himo ha utanon.
An 11-member Vegetable Orchestra in nabug-os dida han 1999 ha Vienna, Austria han mag-urusa an pirsa nga musikero tikang ha magkaduru-dilain nga pantag para maghimo hin tunog gamit an mga inukit nga utanon.
Sumala ha mga ine, nagtikang ine kumo usa nga joke pero pag-iha in nagin usa nga kakaiba nga anyo han sining.
Tikang ha carrot nga ginhimo nga flute kutob ha leek nga ginhimo nga mandolin, perpekto na an ira paagi han pagtukar gamit an mga utanon, pero dire daw panmaihaan an ira mga instrument.
Nag-iiha la ine hin kuton unom ka-oras ugsa ine magtikang maguba. Mahitungod hine, kada performance in nag-uukit hira hin panibag-o nga set hin utanon para himuon nga instrumento.
via | Bombo Juvelyn Rancodo
