TACLOBAN CITY – Gintagan hin kasayuran han Department of Social Welfare Developement DSWD Regional office 8, an mga reklamo kasumpay ha mga pira nga mga aplikante nga dire nakaka-access ha ira portal page han mao nga buhatan.
Sumala kan Atty. Jonalyndie Chua, Regional Public Infromation Officer han DSWD-8, nga hapagkyana naka-offline an ira online appointment portal, matungod nga nag-crash an mao nga website matungod ine han sunod-sunod o dudrungan nga pag-access han mga karuyag maka-avail han mao nga hinabang.
Dugang pa han mao opisyal nga hapagkyana ira pa gin-tatadong an mao nga online appointment portal, agud nga magin accessible pa ine ha ngatanan nga karuyag nga magpa-online appointment.
Ginmalatumat naman han mao nga opisyal, nga dayon naman hira nga magpapahibaro ha publiko, pananglitan nga na-ayos na an online appointment portal.
