TACLOBAN CITY- Nakumpiska an 35 ka sachet nga maysulod han guintutuuhan shabu dida han magdumara an mga otoridad hin One Time, Big Time Operation ha Southern Leyte.
Sumala kan PSSUPT Warren De Leon, tagmangulo han Southern Leyte Police Provincial Office ( SLPPO) nga an mao nga operation in nagresulta ha pagkaaresto han pito nga mga drug suspect kaupod an usa nga menor de edad nga dayon naman nga guindara ha City Social Welfare Development Office ha Maasin City.
An unom nga suspek in nakapaslak na ha lock up cell ngan guinpasakahan hin kaso mahitungod ha pagtalapas han RA 9165 o may kalabutan han illegal drug activities.
Kalakip ha mga naaresto hira Noel Paler, Samuel Flores, John Mark Galo, Amalia Espinosa, Arvin Ryan Napua ngan Dave Acero.
Samtang, guin aghat naman an publiko nga hul-os nga makipag koordinar ha mga otoridad kun may mahihisabtan nga nadadabi ha illegal nga droga agud dagmit nga maaksyunan.
