NATIONAL – Gintagan-duon han Bureau of Internal Revenue nga dire exempted an mga Non-Resident Digital Service Providers ha ira mga obligasyon nga magbayad hin buwis.
Ine mismo an ginbuhat nga pagklaro han nasabi nga buhatan ha ginpagawas nira nga pampubliko nga pahayag kasumpay ha nasabi nga pagbabayad hin buwis.
Dugang pa, an non-registration han mga ine para ha Value Added Tax o VAT in dire rason para likayan an responsibilidad nga magsalawad hin tax return ngan bayaran an kaangayan nga buwis.
Sanglit mahitungod hine in gin anunsyo han Bureau of Internal Revenue nga extended an deadline han online registration han buhatan para ha mga Non-Resident Digital Service Providers.
Subay manggud ha buhatan, ine kumo pagbaton ha ‘unavailability’ han VAT ha mga Digital Services Portal ngan Online Registration and Update System o ORUS han BIR mahitungod ha ongoing system migration activities nga ira pa gindudumara.
Resulta hine in mayda na supresyente ngan kadugangan nga panahon an mga apektado nga Non-Resident Digital Service Providers agud makag-comply ha mga rekisitos han buhatan.
Gin aaghat naman ni Bureau of Internal Revenue Commissioner Romeo D. Lumagui Jr. an mga negosyante nga magpabilin nga naka-monitor ha ira mga anunsyo.
