TACLOBAN CITY – Padayon nga naka-isa ha bug-os nga Sinirangan Bisayas an No Sail Policy agud malikayan an pagtambak han mga stranded nga pasaheros ha mga pantalan.
Sumala kan Lord Byron Torrecarion, Regional Director hiton Office of the Civil Defence Vlll, as of 6:00 kanina han aga in ada na ha 386 nga mga pasaheros an nastranded ha bug-os nga rehiyon, 499 roaring cargos, 11 vessels, ngan usa nga motorized banca.
As of 6AM han yana nga adlaw gihapon in waray na nahipatik nga mga pagbaha sugadman hin mga untoward incidents.
Duha nga flights naman an kanselado ha Cebu Pacific amu an flight 5J6577-26578 ngan 6579-6580 nga may ruta nga Tacloban-Mactan-Tacloban, ngan usa nga PAL flight, amu an PR2982 nga may ruta nga Tacloban-Manila-Tacloban.
Pira gihapon nga mga power outages ha magkaduru-dilain nga parte han rehiyon an nahipatik tikang kakulop nga adlaw pero nahibabalik naman dayun.
