NATIONAL – Gindugangan na han National Food Authority (NFA) an ira rice buffer stock, sumala han direktiba ni Pres. Ferdinand Marcos Jr., nga pahugton nira an pagpalit han humay tikang ha mga Pilipino nga parag-uma.
Sumala kan Palace Press Officer USec. Claire Castro, ha mao nga pamaagi masusuportaran an pakabuhi han mga parag-uma, ngan masisigurado an sakto nga suplay han bugas ha Pilipinas.
Dugang pa han opisyal nga basar han pinaka-urhi nga datos han NFA, aada ha 10.1 milyones nga sako han palay an aada ha ira buhatan, samtang 1.2 milyones naman an naka-istock nga sako han bugas.
Sakto an nasabi nga ihap para ha 10 ka-adlaw nga konsumo han bug-os nga nasud.
Dugang pa han opisyal, ini an pinaka-hitaas nga imbentaryo han NFA tikang pa han tuig 2020.
Siyahan nga gin-anunsyo han NFA nga may ada nabibilin nga P12 bilyon para ha padayon nga pagpalit han humay yana nga summer harvest.
