INTERNATIONAL – Ginmalatumat ni Israeli Prime Minister Benjamin Netanyahu nga kinahanglan na nga mapirde han Hamas ha Gaza agud mapagawas an nabibilin nga mga bihag, pira ka-adlaw ugsa an nakatalaan nga paharampang han gabinete ha bag-o nga plano han gyera.
Sumala ha notisya han Israeli media, ginhu-huna huna pa ni Netanyahu an ganap nga pagsakop ha Gaza Strip, bisan man mas kumusog pa an international nga panawagan para ha paghuhuman han gyera.
Ginpahimatngunan han United Nations an Israel nga posible magdadara ini hin trahedya ha mga Palestinian ngan magbubutang ha kadelekaduhan ha nabibilin nga mga buhag,
Ha nagin pagbisita ni Netanyahu ha army training facility, ginmalatumat han Prime Minister nga kinahanglan siguraduhon nga dire na utro magigin tarhog an Gaza ha Israel. Labot la hini, nagbuhat gihapon hi Netanyahu hin 3 ka-oras nga meeting kaupod an mga hepe han ira army pero waray naman ginpagawas nga bag-o nga plano.
