NATIONAL – Panuyo han National Bureau of Investigation (NBI) nga magdumara hin imbestigasyon agud mahibaruan kun mayda mga tawo ha luyo han pagpapasarang han fake news ha Pilipinas.
Sumala kan NBI Director Jaime Santiago, ira ginkikita kun kay ano sugad an tema han mga vloggers yana ngan kun mayda mga tawo nga nagduduso ha mga ine nga himuon ine.
Nagtikang na nga makipagsumpayan ha Department of Information and Communications Technology (DICT) ngan National Telecommunications Commission (NTC) an NBI, ngan mayda na daw gihapon nakalista ha ira nga dire maubos ha 20 nga mga vloggers nga nagpapasarang hin fake news.
Sumala pa kan Santiago, napansin nira nga an mga nagpapasarang han sayop nga impormasyon in nakatutok ha parehas nga mga isyu, labi na ha mga isyu nga pampulitika.
Ginmalatumat hine nga iimbestigahan nira an ngatanan nga klase han sayop nga impormasyon, kaupod an mga sayop nga akusasyon kontra kan anay Presidente Rodrigo Duterte ngan mga pag-atake ha mga opisyal han gobyerno.
Gintatganduon pa han NBI nga gintatagan hin importansya han ahensya an balanse han kalayaan ha pagpapahayag ngan an panginahanglan nga pugngan an mga buruhaton nga nagdudurot hin danyos sugad han pagguba han reputasyon o pagpapasarang han sayop nga impormasyon.
