-- Advertisements --
NATIONAL – Mas ginpahugtan pa han National Meat Inspection Service an gindudumara hine nga inspeksyon ha mga baboy ha Batangas.
Ine in mahitungod na gihapon ha hulga han African Swine Fever nga nagsasarang yana ha nasud.
Ha usa nga pahayag, ginmalatumat ni NMIS-NCR Regional Technical Director Dr. Jocelyn Salvador, nga an ira pitad in makakabulig agud mapugngan nga makalusot an mga baboy nga infected han ASF.
Waray gihapon hunong an ira gindudumara nga accreditation, registration, ngan magin an pagdumara han “surveillance audit” ha mga planta han mga karne nga baboy.
Ginbabantayan gihapon han ahensya an mga slaughterhouse, cold storage facilities, meat cutting, ngan meat distribution centers agud masigurado an food safety.
