Gin anunsyo ni U.S. President Donald Trump nga iya na ginpahilawig an ceasefire ha Iran mahuman nga maghangyo an Pakistan, samtang ginhuhulat pa an usa nga “unified proposal” tikang ha Tehran.
Sumala kan Trump, magpapabilin nga naka-extend an ceasefire kutob ha makagsalawad anb Iran han ira proposal ngan mahuman an negosasyon ha anuamn nga paagi.
“He’s directed our Military to continue the Blockade and, in all other respects, remain ready and able, and will therefore extend the Ceasefire until such time as their proposal is submitted, and discussions are concluded, one way or the other,” pahayag ni Trump.
Ha butnga hini, nagpapabilin nga waray kasiguraduhan an istoryahon nga pankahimyangan samtang tikaharani an paghuhuman han duha kasemana han ceasefire.
Nagruruha-duha pa manggud an Iran kun mabulig ini ha panibag-o nga pag-iistorya, ngan ginmalatumat an daw “unacceptable actions” han Amerika, kaupod an nagpapadayon nga blockade ha Strait of Hormuz.
Gin kansela gihapon ni U.S. Vice President JD Vance an nakatalaan nga pagbisita ha Pakistan para ha ikaduha nga higayon han negosasyon, samtang an iba pa nga opisyal han US in ada ha pa konsultasyon kun patiunan-o pag-iistoryahan an peace talk.
Samtang, padayon an paningkamot han mga opisyal han Pakistan nga mapagsabot an duha nga parte agud malikayan an utro nga pagbuto han kasamok.
Ha yana, nagpapabilin nga abri an posibilidad han panibag-o nga negosasyon o utro nga pagduto han kasamok, samtang ginhuhulat an desisyon han Iran ngan Estados Unidos.
