TACLOBAN CITY – Sumaka na ha sumatotal 5.1 million pesos nga kantidad hin mga raw materials ha paghimo hin mga explosives an narekopo han mga kapulisan ha bungto han San Antonio, Northern Samar.
Una hini in tulo nga mga magkasunod nga operasyon an gindumara han San Antonio PNP mahuman an nahitabo nga pagbuto ha mao nga lugar nga nagin kawsa han pagkadiskubre han gutiay nga bodega hin mga explosive raw materials.
Sumala kan PLt. Norven Carbonera, Hepe han San Antonio MPS, nga maabot ha 2.1 million nga mga gamit ha paghimo hin dynamita ngan iba pa nga paburuthon an ira nakumpiskar ha ikatulo nga operasyon.
Nahibaruan nga an mao nga mga explosive materials in nagkalat na diri la ha munisipalidad han San Antonio kundi gintratransport gihapon ha magkadurudilain nga lugar ha rehiyon.
Nagpapadayon naman an gindudumara nga clearing operation han mga kapulisan ha mao nga lugar.
