TACLOBAN CITY — Naatubang ha kaso nga attempted murder an usa nga municipal councilor han Jaro, Leyte mahuman nga mahidabi ha panmusil hin usa nga pulis ha mao nga bungto.
Ginkilala an suspek kan Landelino Katangkatang, Municipal Councilor ngan residente han Brgy II, Poblacion, Jaro Leyte.
Samtang ginkilala naman an biktima nga hi Pol.Chief Master Srgt.Manuel Jocson, Inteligence officer han Jaro Leyte.
Sumala kan Pol.Capt.Edgardo De Asis,hepe han Jaro PNP naatubang ha kaso nga attempted murder an mao nga konsehal mahuman nga pagpusilon hine an mao nga Inteligence officer han Jaro Leyte.
Nakit-an daw mismo han biktima an nawong han suspek nga iya mismo sarakyan an ginmamanehoan.
Gumuliat naman daw an tindero han tindahan kun diin napalit an mao nga pulis hinungdan para makatago pa an biktima.
