INTERNATIONAL – Nagpapabilin nga dire pa nakokontrol an kaso han mpox ha mga nasud ha Africa.
Subay ha Africa Centres for Disease Control and Prevention (Africa CDC), posible pa nga humitaas an ihap han mga kaso ha magkaduru-dilain nga nasud.
Naniningkamot naman an mga nasud ha Africa agud makontrol an nasabi nga virus.
Karuyag manggud han mga nasud ha African region nga dire na mautro an mahinay nga health care system nira dida han paglabay han COVID-19 pandemic.
Basar ha datos, sumaka na ha 177 percent, an kaso ngan an mga namatay in umabot na ha 38.5%, an ihap kun igkukumpara dida han nakalabay nga tuig.
Manunumduman nga igindeklara han World Health Organization an nasabi nga outbreak kumo public health emergency of international concern labi na nga mayda bag-o nga variant nga nakit-an.
