TACLOBAN CITY– Ginpahibaro han Traffic Operations Management Enforcement and Control Office (TOMECO), nga nagpapadayon an ira operasyon para han Jay Walking Ordinance, ha kaluyo han pagkamayda hin kawurok ha pan recruit para han kadugangan nga tinaglawas para han nasabi nga ordinansa.
Una hine, nagkamayda mangud recruitment an buhatan hiton TOMECO pero nag-tap an mga ine ha pili nga barangay hiton syudad.
Tarihas naman ine ha natabo, nga pan recruit han usa nga nga grupo nga dire otorisado tikang ha buhatan hiton TOMECO.
Sumala kan Jobs Lagutan, Unit Commander Traffic Dicipline Unit TOMECO, maabot na ha 100 nga individual an na recruit han nasabi nga grupo, ngan daw nakapag tikang na an mga ine pan-duty.
Hapagkayana nagkakamayda hin problema matungod nga ine nga grupo nga nag recruit in waray kalabutan ha TOMECO ngan pankalugaringon la nga interes.
Nahipausa nala an buhatan hiton TOMECO han mag aro na hin DTR an nasabi nga mga na recruit nga indibidwal, matungod nga nakagtikang na daw an mga ine mag-duty.
Hapagkayana, padayon an ira gindudumara nga imbestigasyon kasumpay ha nasabi nga gin-aalegar nga modus nga recruitment.
