TACLOBAN CITY – Patay an usa nga lalaki mahuman ini nga pagpananaw-tawon han iya la ngahaw misis ha Ormoc City.
Ginkilala an biktima kan Domencio Epoy, 76 anyos an pangidaron samtang ginkilala naman an suspek nga asawa hini nga hi Epifania Epoy, 72 anyos an pangidaron, parehos mga residente han mao nga syudad.
Sumala kan PMaj. Rizal Antonio Leung, Station Commander han Ormoc Police Station 1, ginkakastigo daw han biktima an suspek kun nahuhubog ine.
Dida han panhitabo han insidente in nakainom daw biktima nga umuli ha ira panimalay ngan tigda la daw hine nga ginbalbag an iya misis hin bolo.
Bumulos naman an misis ngan gin panawtaw hine an biktima hasta nga namatay ine.
Dayun naman nga nagtawag an suspek haira barangay kagawad pag-imporma nga napatay niya iton iya asawa.
Papasakahan naman ine hin kaso nga parricide han ira mga anak.
