LA PAZ, LEYTE – Gin tapo hin makusog ngan mapaso nga supporta tikang ha iya igkasi Lapaznon hi Miss Earth Water Angel Rose Tambal han naging pag balik niya ha iya nga bungto nga La Paz, Leyte mahuman nga bumulig han Miss Earth Philippines 2025.
Sumala kan Miss Philippines Water 2025 Angel Rose Tambal, an mga ngirit ngan mapaso nga pag higugma ngan mga pakpak han mga La Paznon in naghahatag ha iya hin kusog ngan pride kumo usa nga anak han kumunidad.
Dugang pa hini, an iya nakuha nga korona in diri la simbolo hin personal drive kundi, dara-dara niya an mga hingyap han mga kabatan-onan ngan nagsisimbolo ini kumo usa nga istorya hiton pagtitiyaga, pagtuo ngan an paghigugma ha kumunidad.
Sugad man nagtutuo hi Tambal nga tanan nga ka delatar ug challenges nga naabot ngan gin aagian in usa nga leksyon nga makakabulig agud mas ma achieve pa an mas mag upay nga manhihinabo ha kinabuhi.
Presente naman nga gin papangunahan ni Tambal an usa nga proyekto ha bungto han La Paz an “Palstik Balyo Bugas” nga may panuyuan nga maibanan an mga plastik ha kalibungan agud makamtan an greener community.
Pinaagi han pag dara han mga kabatan-onan hin mga sako nga puno hin palstic bottles in makakakarawat an mga ini hin bugas nga madadara nira pag uli ha ira mga panimalay. (via Bombo Niña Magpili)
