Igin buyagyag han kampo han mga biktima han war on drugs ha International Criminal Court (ICC) an padayon nga nae-eksperyensyahan nga panha-haraas tikang ha mga taga-suporta ni anay Presidente Rodrigo Duterte.
Ha pagpapadayon han confirmation of charges hearing, ginlatag ni Atty. Joel Butuyan, an common legal representatives han mga biktima, an presente nga sitwasyon han mga nahibayaan ngan mga nakatalwas.
Sumala kan Butuyan, an mga matitindi nga tagasuporta han anay presidente in nagseserbi nga mga mini Dutertes nga Duterte clones.
Dugang pa han abogado, ini nga mga indibidwal ha Pilipinas in natapnan na hin “virus of impunity” nga nagtikang ha mga polisiya han nakalabay nga administrasyon.
An manipestasyon in kaparte han pagbubuyagyag han mga tinaglawas han biktima agud igpakita ha international tribunal an haluag nga padayon nga epekto han madugo nga kampanya kontra-droga, bisan pa man kun waray na kapas hi Duterte.
