-- Advertisements --
TACLOBAN CITY – Ginpahayag han Tacloban City government nga gintutugutan na yana an pag-abre ngan pag-operate han kadugangan nga mga establishmento ha syudad ha ilarom han nagpapadayon nga general community quarantine.
Sumala kan Gemafiel Gaspay, head han Tacloban City Business Permit and Licensing Division, gintutugutan na an pagbalik han operasyon han mga sinehan, leisure parks, video ngan game arcades, libraries ngan iba pa nga mga tourist destinations.
Mag-aabre an mga ini depende naman ha gintutugot nga kapasidad.
Ha pagkayana in mayda la uusa nga sinehan ha Tacloban partikular na ha Robinson North pero base ha pakipagsumpayan han city government waray pa mag-abre an mao nga sinehan ha pagkayana.
