Iginpapakonsidera ni Senator Chiz Escudero ha mga pribado nga kumpanya an 4-day work week mahuman nga ig anunsyo ni Presidente Ferdinand Marcos Jr. an pagpapatuman han nasabi nga working arrangement ha mga government employees agud maibanan an epekto han paghitaas han presyo han lana nga durot han kasamok ha Middle East.
Gintagan-duon ni Escudero nga an timpano nga pag-aksyon, mahitungod ha ginlalauman nga posible nga epekto han krisis ha Middle East, in makakagpakusog ha kadig-on han nasud in kaso nga dumuro pa an tensyon.
Sumala ha senador, an flexible arrangements in makakabulig agud maibanan an kada-adlaw nga demand ha transportasyon, maibanan an operating costs han mga kumpanya, maghatag hin gutiay nga ‘ginhawa’ ha mga empleyado, ngan maipaubos an bilyon piso nga posible mawara ha kita han nasud mahitungod nga mabug-at nga trapiko.
Partikular nga gin aghat ni Escudero an mga private companies ha Makati ngan Bonifacio Global City (BGC) nga ig-explore an flexible setups agud maibanan an peak-hour congestion ha lugar.
Gin aghat gihapon han magbabalaod an publiko nga makiusa ha energy conservation pinaagi han pagbibisikleta kun harani la an kakadtuan, carpooling, ngan mga pitad ha pagtitipid han kuryente ha mga panimalay.
