TACLOBAN CITY – Hustisya la gihapon iton padayon nga panawagan ha pagkayana han mga pamilya han mga namatay nga kapulisan ha nahitabo nga madugo nga misencounter ha butnga han mga kasundaluhan ngan kapulisan ha Sta. Rita, Samar.
Sumala kan Graciel Escalo, asawa ni PO1 Julie Escalo, usa ha mga namatay nga pulis, presko la gihapon ha ira mga hinumduman an pagkawara han asawa hini bisan man kun duha na kabulan na an nakakalabay tikang han manabo an mao engkwentro.
Dugang pa hini, diri pa gihapon nira makarawat tubtob yana nga mismo katropa la han gobyerno an nakapatay ha iya asawa.
Gintagan gihapon hini duon nga samtang diri pa nira nakakab-ot an hustisya in diri la gihapon hira makakarekober ha mao nga panhitabo.
Naglalaum naman hira nga waray cover up ha gindumara nga imbestigasyon bahin han mao nga insidente.
Hangyo nira nga mapapagbaton an hin-o man an may sayop ha nanabo nga misencounter nga iginkamatay han unom nga mga kapulisan.
An kaparte han pamahayag ni Graciel Escalo, asawa ni PO1 Julie Escalo, usa ha mga namatay nga pulis
Nahibaruan nga nakatalaan nga ipagawas an final report han Board of Inquiries ha ira gindumara
