INTERNATIONAL – Humitaas hin duro an kaso han malnutrisyon ha Gaza kun diin 63 ha 74 nga namatay yana nga 2025 an nahipatik yana nga Hulyo, kaupd an 24 nga bata nga waray pa mag 5-anyos an edad.
Subay ha World Health Organization (WHO), mapupugngan unta an krisis kun dire la nade-delatar an pagsulod han pagkaon, medisina, ngan humanitarian aid ha lugar.
Ha Gaza City, haros usa ha lima nga bata in apektado han duro nga malnutrisyon, samtang triple an paghitaas han kaso tikang han Hunyo.
Umabot na ha sobra 5,000 nga kabataan an ginpailarom ha pagtambal ha sulod han duha kasemana han Hulyo, 18% hine in mayda Severe Acute Malnutrition.
Upat nga pasilidad la an naghahatag hin espesyal nga tambal ha malnutrisyon pero haros lumaprak na ine mahitungod han kawaray hin gasolina ngn suplay.
Nanawagan an WHO in dayun nga bulig agud mapugngan an pagduro han krisis ngan utro nga igin duon an panginahanglan han ceasefire ngan proteksyon ha mga sibilyan.
