NATIONAL – Ginpahayag ha usa nga official statement ni Atty. Ferdinand Topacio nga magbubuhat hin mga pag-atake an mga kapulisan ha mga ari-arian ni Former Rep. Arnolfo “Arnie” Teves Jr. ha Negros Oriental.
Sumala kan Topacio nga basar ha ira reliable source nga an panuyuan han nasabi nga raid han mga otoridad in agud magtanom hin mga ebidensiya ha mga ari-arian ni Teves, butang nga puydi magamit han mga ini kontra ha iya.
Dugang pa hini nga basar gihapon ha ira reliable source nga manngunguha hin bisan-hino an mga kapulisan ngan igpapagawas nga an mga ini in kaparte ha private army han anay mambabalaud.
Samtang, ginpahayag gihapon ha official statement han abogado ni Teves nga an mga sayop nga akusasyon ngan an mga waray basaran nga mga kaso nga iginpaska ha anay mambabalaud in usa nga tactic agud ilihis iton atensyon han molupyo ha kapalpakan han pamamalakad han kongreso ngan han presente nga administrasyon.
Ha pagkayana, in waray pa naman pahayag an Malakanyang maypaghisumpay hini.
