Humirit an Teachers’ Dignity Coalition ha Department of Education (DepEd) nga igdelatar la anay an pagpapatuman han three-term school calendar yana nga school year.
Ini in mahitungod nga mayda pa mga pamakiana an mga magturutdo ngan principal han mga pampubliko nga iskuylahan kasumpay han bag-o nga academic set-up ngan payroll out han revise curriculum ha senior high school sumala kan Teachers’ Dignity Coalition Chairman Benjo Basas.
Dugang pa hini, ginpahayag gihapon ni Basas an kakulangan ha teaching materials ngan dire klaro nga guidelines sugad han mga subject nga MAPEH.
Suhestyon han koalisyon, mas maupay nga magdumara anay hin pilot testing han nasabi nga programa labi na nga may panahon pa an DepEd nga igdelatar la anay an pagpapatuman hini ugsa an pag-aabri han klase ha Hunyo 8.
